Categorías
Conciertos Encontros Soncello

[:gl]Ourense xa ten bandeira Soncello[:]

[:gl]A capital termal- e de tantas outras cousas-NON DEFRAUDOU.

Esta pasada fin de semana Soncello, cos seus sons e cellos, volveu a conquistar outra das nosas cidades. Tivemos a enorme sorte de desenvolver as nosas actividades no impresionante Centro La Molinera, un exemplo de arquitectura de vangarda, apertura de espacios y de actividades onde conviven diferentes xeitos de ver as tecnoloxías e as relacións interpersoais. E alí nos plantamos nós, cos nosos instrumentos argallados  fai séculos pero reinventados cada día, tratando de adaptármonos e tender pontes entre arte e tecnoloxía.

O primeiro en tender pontes alá onde vai é o enorme Ángel Luis Quintana. É sempre un pracer poder disfrutar dos seus consellos sempre rodeados de sentido do humor e sacando o mellor de aquel que se cruza con él.  Disfrutamos das súas clases maxistrais desde o seu trono aristocrático (os que estiveron saben de que  falo) e máis tamén do seu tocar e dirixir á Orquestra Soncello. Moitísimas gracias pola túa disposición en todo momento e por atender sempre ás nosa propostas, amigo!

Os talleres a cargo de Emma, Carolina e Laura resultaron interesantísimos. Laura abríunos ao mundo tecnolóxico adaptado a música, aprendendo a utilizar diferentes aplicacións que nos fan a vida e o estudio un pouco máis fácil.  Moitísimas gracias a elas tamén!

Entre clases, talleres e comidas xuntos chegou a hora de mostrar todo o feito ao público. Escollimos un concierto sesión vermouth de sábado ao que o S. Xesús Vázquez, alcalde da cidade, tivo a ben acompañar e aplaudir. Queremos agradecerlle o seu apoio a Soncello e felicitalo por todo o que alí nos encontramos e polo traballo do seu equipo na organización do noso Encontro.

No concerto púidose escoitar ao Soncello Ensemble e á Orquestra Soncello tocando temas do mítico grupo heavy de violoncellistas «Apocalyptica» e unha estrea adicada especialmente a Soncello polo compositor Fernando Arias, ali presente e acompañado pola súa familia. Moitísimas gracias e noraboa, Fernando!

Un guiño especial a César Pichel e a Érika Cid polo seu traballo e porñernos todo moi fácil.

Esperamos que este Encontro sentara precedente na relación de Soncello con esta marabillosa cidade e poidamos seguir colaborando xuntos en prol de acercar o noso intrumento e as súas posibilidades  a todo o mundo que o queira disfrutar. Cada vez somos máis!

 

P.D.: Colgaremos todas as fotos proximamente na nosa conta. Estade atentos!

 [:]

Deja un comentario

Tu dirección de correo electrónico no será publicada. Los campos obligatorios están marcados con *